Videoen under syner trafikkflyten i krysset mellom Anders Hovden-gata og Holmegata ein morgon ved skulestart. I videoen ser vi at mange framleis nyttar Anders Hovden-gata, og at mange ikkje overheld vikeplikta for trafikk i Holmegata. Dette gjer at trafikken flyt dårlegare enn den kunne ha gjort.
Bidra til betre trafikktryggleik
Kartutsnittet under viser tilrådd køyremønster. Vi minner om at køyrande i Anders Hovden-gata har vikeplikt for trafikk i Holmegata. Vi oppmodar alle trafikkantar til å bidra til betre trafikktryggleik i området. Det er viktig å hugse at det er sjåførane sjølve som påverkar trafikkflyten og tryggleiken. Saman kan vi skape eit tryggare og meir effektivt trafikkmiljø.
Bruk gjerne offentlege p-plassar i nærområdet (kulturhuset, rådhuset, e.l.) og la borna gå det siste stykket til skulen – det bidreg til færre bilar og betre forhold for dei som går eller syklar.
KartutsnittLevering av skuleelevar
Vi minner også om at desse stadane ikkje er berekna eller tilrettelagt for levering av skuleelevar:
- avkøyrsla inn til Velle skule (området mellom Velle skule og Ørsta vgs) - dette er for varelevering og HC-parkering
- p-plassen ved Shell
- p-plassen ved Fjordtorget