• Syskenmoderasjon
• Redusert foreldrebetaling. Ingen hushald betale meir enn 6 % av inntekta si for ein SFO plass for born på 1. til 4. årstrinn.
• Gratis SFO for born med særskilde behov på 5.-7. trinn

Syskenmoderasjon vert gjeve 25% av betalinga for 2. og 3. barn. Det blir ikkje gjeve syskenmoderasjon for tilbod utover skuleåret sine 38 veker (halve juni og heile august).

Ørsta kommune sine vedtekter for SFO §4 b seier:

Born på 5.-7. trinn med behov for individuell tilrettelegging* kan søkje plass. «Barn med behov for individuell tilrettelegging» er i desse vedtektene definert som born med store og omfattande hjelpebehov, det vil seie varige funksjonsnedsettingar som medfører omfattande og vedvarande behov for bistand. Lova gir ikkje nokon born, heller ikkje desse, ein individuell rett til plass i SFO. Graden av nødvendig tilpassing av lokala vil avgjere kva SFO barnet vil få plass i.

*Merk: Omgrepet «barn med særskilde behov» vert nytta i opplæringslova §13-7.

Frå 1. august 2021 skal ingen hushald betale meir enn 6% av inntekta si for ein SFO plass for born på 1. og 4. årstrinn.

Opplæringslova om Skolefritidsordninga

Utdrag frå forskrift til opplæringslova kapittel 1B. Skolefritidsordninga:

§ 1B-1. Reduksjon i foreldrebetalinga for elevar på 1–4. årstrinn

Kommunen skal etter søknad gi reduksjon i foreldrebetalinga for skolefritidsordninga på 1.–4. årstrinn slik at den per elev utgjer maksimalt seks prosent av inntektene til hushaldet, dersom:

For søknader før 1. august gjeld kommunen sitt vedtak frå 1. august og ut skoleåret. Blir det søkt etter 1. august, gjeld vedtaket frå første heile månad etter søknadstidspunktet og ut skoleåret.

Betaling for kost kan komme i tillegg.

§ 1B-2. Søknadsbehandlinga til kommunen i saker om reduksjon av foreldrebetaling

Kommunen kan, utan hinder av teieplikta, innhente grunnlaget for siste fastsetjing av formues- og inntektsskatt for hushaldet frå skattestyresmaktene for å dokumentere inntektene til hushaldet for det siste året, jf. skatteforvaltningsforskriften § 3-3-1 andre ledd bokstav a. Kommunen kan innhente slike opplysningar og gjere nye vedtak om redusert foreldrebetaling i heile den tida søknaden gjeld.

Med hushald meiner ein i dette kapittelet ektefellar, registrerte partnarar og sambuarar. Som sambuarar reknar ein to ugifte personar over 18 år som bur saman, og som har budd saman i eit ekteskapsliknande forhold i minst 12 av dei siste 18 månadene, eller har felles barn. Dersom søkjar er sambuar utan felles barn, må søkjar opplyse kommunen om dette.

Med inntektene til hushaldet meiner ein i dette kapittelet hushaldet si samla brutto personinntekt etter skattelova kapittel 12 og skattepliktige kapitalinntekt.

Dersom foreldra til barnet bur kvar for seg, og barnet bur fast hos begge foreldra, er det inntekta til hushaldet til den forelderen som har same folkeregistrerte adresse som barnet, som skal leggjast til grunn i vurderingane etter denne føresegna.

Dersom grunnlaget for siste fastsetjing av formues- og inntektsskatt for hushaldet ikkje kan utleverast av skattestyresmaktene, og kommunen av den grunn ikkje klarer å fatte vedtak før 1. august, skal kommunen be søkjar om å levere skattemeldinga for det siste året og eventuell skattepliktig kapital- eller personinntekt som ikkje er førehandsutfylt.

Når du søker blir informasjon om skatt og inntekt henta inn automatisk. Du treng ikkje lenger å legge ved skattemeldinga.

Men om du har skattepliktige kapital- eller personinntekter som ikkje står i skattemeldinga, skal disse dokumenterast. Dette er mellom anna renteinntekter, aksjeutbytte, leieinntekter. Søknaden blir ikkje behandla før all dokumentasjon er sendt inn.

Om grunnlaget for siste fastsetting av formue - og inntektsskatt for hushaldet ikkje kan utleverast av skattemynde og kommunen ikkje har grunnlag for å fatte vedtak før 1. august, skal kommunen be søkar om å legge fram anna gyldig dokumentasjon.

Slik dokumentasjon kan vere:

• Vedtak fra NAV
• Dokumentasjon frå arbeidsgiver som viser vesentlig endring i lønn

Søknadar vert handsama etter kvart med vedtak som gjeld frå og med den første heile månaden etter søknadstidspunktet. Dokumentasjon må då vere levert i lag med søknaden. Søknaden varer for eit skuleår (1. august til 31. juli) om gangen.