Meir og variert uteleik på skulen - Leikepatruljekurs

“Målet med Leikepatruljen er å bidra til at barn i alle aldrar leikar ute og at leiken i skulegarden er full av mangfald. Slik kan elevane skape liv, latter og leik og vere med på å gjere skulen til ein trygg og god stad å vere.” - Sunnmøre friluftsråd

Leik har ein unik eigenverdi, og heng saman med rørsle, samhandling og læring. Gleda av den sjølvstyrte leiken ute i skulen er sentral.

Leikepatruljen er ei inspirasjonssamling for elevar, som er del av prosjektet  «Slå på ringen – uteleik for betre folkehelse» i regi av Sunnmøre friluftsråd.