Påminning om bandtvang på hund i beitesesongenSau i Nøvedalen. Oddhild Kalvatn Landbruksutvalet, frå møte 9. april 2024, ynskjer å minne om bandtvangen på hund, i samband med at det i desse dagar er mange husdyr som skal ut på beite på inn- og utmark i heile kommunen. Etter hundelova er det bandtvang i perioden 1. april–20. august. Ørsta kommune har i tillegg vedteke utvida bandtvang i beitesesongen, til og med 31. oktober.Dessverre kjem det nesten kvart år melding om at lause hundar, små eller store, anten har jaga og/eller skada husdyr på beite, spesielt er småfè (sau og geit) utsette. Vi ber difor om at alle hundeeigarar respekterer bandtvangen, slik at vi unngår slike tilfelle denne beitesesongen.Bandtvang i Ørsta kommune: 1. april–31. oktober. Publisert av Ingvild Marie Taraldset Publisert 06.05.2024 14:50