Skulefritidsordning (SFO)

Opningstider SFO: kl. 07.15–16.15. Grunna ulik organisering av skulekvardagen ved dei einskilde skulane, kan opningstidene variere noko frå skule til skule. Sjå meir under.

Kommunen skal ha eit tilbod om skulefritidsordning før og etter skuletid for 1.–4. årstrinn, og for born med behov for individuell tilrettelegging på 1.–7. årstrinn. Skulefritidsordninga skal leggje til rette for fysisk aktivitet, leik, kultur- og fritidsaktivitetar med utgangspunkt i alder, funksjonsnivå og interesser hos borna. Skulefritidsordninga skal gi borna omsorg og tilsyn. Born med behov for individuell tilrettelegging skal ha gode vilkår for utvikling. Areala, både ute og inne, skal vere eigna for formålet. Ørsta kommune praktiserer bindande påmelding. Skulefritidsordninga er eit frivillig tilbod finansiert av foreldrebetalinga.

Rektor er øvste ansvarlege, men dei største SFO-ane har SFO-koordinator.

Gratis SFO 12 timar i veka for elevar på 1.–3. trinn. 

Ingen husstand skal betale meir enn 6% av den årlege inntekta si for ein SFO plass for born på 1. til og med 4. årstrinn. Dersom den årlege summen for SFO utgjer meir enn 6% av den årlege inntekta til husstanden, kan ein søkje om redusert foreldrebetaling.