Flaggreglement Pixabay.com Lov og reglement Grunnlaget for flaggreglane er desse:Lov om Norges flagg av 10.12.1898 nr.1Lov om flagging på kommunenes offentlige bygninger av 29.06.1933 nr. 2Forskrift angående bruk av statsflagget og handelsflagget av 21.10.1927 nr. 9733Etter forskrifta er det utenriksdepartementet som avgjer tvilstilfelle om bruk av statsflagget påoffentlege bygningar. Statsflagget Statsflagget (utan splitt og tunge) skal nyttast på eller frå kommunen sine offentlige bygningar og eigedomar eller bygningar og eigedomar som i hovudsak vert nytta av kommunale institusjonar eller verksemder. Frå rådhuset er det statsflagget som skal nyttast, eventuelt i kombinasjon med sameflagget og flagg til framande land. Andre flagg og vimplar Det er lov å bruke sameflagget og flagg til framande land ved sidan av det norske flagget der det er naturleg som honnør. Bruk av desse flagga skal skje i samsvar med dette reglementet.Kommuneflagget og –vimpelen kan brukast frå og ved kommunen sine bygningar og offentlege plassar utan tidsavgrensingar.Det er høve til å flagge ved andre høgtidlege og festlege høve med andre flagg frå andre kommunale bygg enn rådhuset. Vilkåret er at slike bygningar og eller grunn vert nytta i samband med arrangementa.Frå kommunalt eigde flaggstenger på torg og bruer er det høve til å flagge med andre flaggved høgtidelege og festlege høve av almen karakter, etter søknad. Offentlege flaggdagar Statsflagget bør vanlegvis berre brukast på offisielle festdagar og når offisiell flagging er påbode.1. januar: 1. nyårsdag21. januar: Fødselsdagen til H.K.H. Prinsesse Ingrid Alexandra6. februar: Samefolkets dag21. februar: Fødselsdagen til H.M. Kong Harald V1. mai: Offentleg høgtidsdag8. mai: Frigjeringsdagen 194517. mai: Grunnlovsdagen7. juni: Unionsoppløysinga 19054. juli: Fødselsdagen til H.M. Dronning Sonja20. juli: Fødselsdagen til H.K.H. Kronprins Haakon Magnus29. juli: Olsokdagen19. august: Fødselsdagen til H.K.H. Kronprinsesse Mette-Marit25. desember: 1. juledagBevegeleg: 1. påskedagBevegeleg: 1. pinsedagBevegeleg: Dagen for Stortingsval Andre flaggdagar Det skal flaggast med statsflagget ved andre høgtidelege og festlege høve innan nasjonen, kongehuset eller kommunen. Flagging skjer elles ved offisielle besøk frå medlemar av kongehuset, utanlandsk statsoverhovud og fyrstelege personar.Det skal flaggast ved rådhuset under gravferda til ordførar og tidlegare ordførar. Det skal også flaggast i gravferda til tilsette og kommunestyremedlemar som har eit aktivt verv/tilsettingstilhøve då dei døde. Er det kjend at flagging ikkje er ynskt, skal dette respekterast. Heising Flagget vert å heise på stang på taket, frå sida av bygninga eller på frittståande stang. Heising skal skje rutinemessig på dei offisielle flaggdagane som er nemnde over. Ved andre høve vert heising gjort etter nærare tilkalling. Ansvarleg for flagging i kommunal regi er eigedomsavdelinga i kommunen. Tidspunkt for flagging Flagget vert i månadane frå og med mars til og med oktober heist kl. 08.00, resten av året kl. 09.00. Flagget skal firast ved solnedgang, men ikkje seinare enn kl. 21.00 sjølv om sola går ned etter den tid. Flaggreglane kan fråvikast ved at det vert heist og firt innan dei tider som står over. Tvilstilfelle Skulle det vere tvil om forståinga av reglementet, er det ordføraren som avgjer saker.