Ørsta-albumDet har hittil kome ut 15 Ørsta-album, der bileta er sett saman i ulike tema, som viser livet i Ørsta før og no. Bileta i albuma er lånt frå privatpersonar, avisa Møre-Nytt eller henta frå kommunen sitt eige arkiv. I kvart album er der eit omfattande personregister som gjer det lett å finne fram. Ørsta-album er geografisk avgrensa til det som tidlegare var Ørsta kommune før samanslåinga med Vartdal og Hjørundfjord. Aktive sogelag i bygdene i heile kommunen gir ut gode årsskrift og sikrar på den måten både fotografi og tekst for ettertida. Ørsta-album kan kjøpast i bokhandlane, hos Ørsta kino, på Servicekontoret på Rådhuset og i Ørsta folkebibliotek. Jostein O. Mo har vore redaktør for Ørsta-album.